狂食高脂美食

    極速在「Miu Miu」選購兩件鬆身外衣後，施念慈急急打了幾通電話，便到「Cova」跟女友人歎茶，全程說個不停的她，邊說邊急不及待把芝士餅送進口中，吃得津津有味，又大啖大啖吞啜朱古力奶昔，臨走前再鯨吞兩件鮮果批，雖然已經食飽，但施念慈竟和友人到餅店睇蛋糕，食慾大得嚇人。

    睇唔中心水，施念慈便繼續到名店閒逛，與友人在「Chanel」睇手袋，可惜都係得個睇字，無幫襯，臨走時，見有記者在場，施念慈即笑笑口挺胸收腹，任影唔嬲。

    見記者拍攝側身，施念慈即人急生智地對記者說：「哎呀，唔知點解隻手好痕，可能我又食錯搞到皮膚敏感，不過我一向都有食中藥。」說罷便向記者展示自己手臂上的抓痕，藉此避過發福、麒麟臂等話題，然後匆匆駕車離開。