鍾嘉欣雖然貴為TVB新紮姐仔，但平日依然牛記笠記，更喜歡同普羅大眾逼地鐵，又乖又純又慳家，難怪林窮追不捨死唔放手！

    上星期，鍾嘉欣在電視城收工後，乘的士到寓所附近的將軍澳廣場豐澤電器選購輕便吸塵機，左計右計，睇足半個鐘，懶理售貨員力薦價值$599的吸塵機，自己扑槌買價錢平一半、只需$298的吸塵機，臨返歸前，再到飾物舖仔掃5元一對的花襪仔及數元一對的髮飾，埋單唔使30蚊，的確慳得離譜。